Ерөнхийлөгчийн Тамгын газар Шилэн дансны мэдээллээ дутуу оруулжээ

Монгол Улсын Ерөнхийлөгч Ц.Элбэгдорж Шилэн дансны тухай хуулийг санаачлан УИХ-аас батлан хэрэгжиж эхэлсэн билээ. Гэтэл уг хуулийг санаачилсан Ерөнхийлөгчийн Тамгын газар нь Шилэн дансны тухай хууль, түүнийг дагаж мөрдөх журамд заасан зарим мэдээллийг бүрэн ороуулаагүй байна.

Тухайлбал, Төсвийн эрх захирагчийн нэр байхгүй, шилэн дансаар гарч буй мэдээлэлтэй холбогдуулж тодруулга өгөх албан тушаалтан хэсэгт даргын нэр, утасны дугаарыг байршуулаагүй, мөн хавсралт файлд холбогдох мэдээллүүд алга байгаа юм. 

“Давхар дээлтэй” НИТХ-ынхан сард 5 сая төгрөгөөр иргэдийг төлөөлж байна

НИТХ-ын төлөөлөгчид наадмын өмнө 27 сая төгрөгийг урамшуулал нэрээр халаасалжээ. Тус байгууллагын шилэн дансны 5 саяас дээш дүнтэй гүйлгээнд 35 дугаар захирамжийг үндэслэн гишүүн тус бүрт 27 сая төгрөг олгосон жагсаалт дурайж байгаа юм (30 сая бололтой, үүнээс ХХОАТ суутгасан юм шиг байна).
Хотын хурлын төлөөлөгчид ихэнх нь Нийслэлийн аль нэг харъяа газрын дарга, дүүргийн Засаг дарга гэх мэт “давхар дээл”-тэй билээ. Түүнчлэн хувьдаа бизнестэй төлөөлөгч ч буй. Юутай ч тэд 1, 2 дугаар улирлын урамшууллын мөнгө гэж 30 сая төгрөг авсан нь нэг улиралд 15 сая, нэг сард 5 сая төгрөгөөр НИТХ-д төлөөлөгч “хийдэг” гэж хэлж болохоор ажээ.

Улаанбаатар хот 125 сая төгрөгийн сурталчилгааны гэрээ байгуулжээ